LAIFADIBIGI BOR - Funga wari

         Thaina mamangeida ningthou ama pallammi. Ningthou adugi machanupa amakhak pokcharammi. Ningthou macha aduga luhongnabagidamak ningthougi achanba manai amagi machanupi amaga haina singnarammi. Luhongbagi matamsu lepnarammi.

        Ningthougi achanba manaigi machanupi aduga piklingeidagi sanaminarkpa laifadibi ama leirammi. Hayeng luhongani haiba numit aduda ningthougi achanba manaigi machanupi adu laifadibi adubu konduna eta nanga hyengdagidi kainaraniko haiduna famduna kaplammi.

        Nupi aduna kappaduda laifadibi aduna asumna hairak-e. Eta hayengdi luhonglaba matungda anouba yum amada yumnak sagei honglagani, ei khangi nongmadi eta yumnak sagei hongkhigani haibase, etana chatlamdaida natana bor ani khak pige, ahanba bordi Sa uchek ngangnariba marol pumnamak khangba oiyu. Anisuba bor kanagumba amana touba thabak yengbadata khangba oiyu. Asumna laifadibi aduna mata aduda bor pirammi.

        Achanba manaigi machanupi aduga ningthou macha aduga luhongle. Matam khara leiraga ningthou adu matam loiraktuna sirammi. Ningthou adu potloinaba mang da leibak miyam changduna puthorakle. Ningthou adubu potloinaba sing peiriba adugi mathakta thangattuna leibadu ubada ningthou adugi mamou (Achanba manaigi machanupi) aduna yam nokningna houna noklammi. Miyam aduna mangonda munna yengduna yamna saorammi. Ningthou macha aduna karino mana tourisibo haiduna yamna saorammi. Leibak miyamnasu lamchat bebar khangde haiduna ningthou macha aduda hainarammi. Hounabigi matung inna potloiba adu adum loisinkhare.

        Matam kharagi matungda ningthougi bor mantri amuk sirammi. Bor mantri adu potloinaba mang da leibak miyam changduna puthoraklammi. Bor mantri adubu potloinaba sing peiriba adugi mathakta thangattuna leibadu ubada asiba masadu ubada achanba manaigi machanupi duna yam kaplammi. Mana kappa adu ubada ningthou macha (mapuroiba) adu yamna saoninglammi.

         Matam khara leiraga ningthou macha aduna nupi adubu mapamda thillammi. Eigi epana sibakandana nokpa mi siragana kappa ei maga leiminaba ngammaroi leiminabasu pamdre hairammi. Achanba manai aduna machanupida hangammi hairiba wa asi chumbara? Machanupi aduna asumna khumlammi, eina akaiba karisu thoukhiba leite, epa ningthouna sibakanda poitoinaba haiduna thangatuna thamliba asiba hakchang aduda magi thawai manga aduna he lamchat naidaba nangi hakchangda eikhoi manga wana khanglakpani haiduna khongpakna chongjin chongjindana kaosibadu ubada thawai manga adugi matoudu ubada nokningdana nokpani aduga bor mantri sibakanda potloinaba sing matakta thambakanda mahakki thawai manga aduna koisinduna kappadu ubada eisu kapkhibani asumna mapada hairammi. Mahakna wari pumba loina lithoklammi eta laifadibina eibu bor anikhak pibikhi madudi mayamna uba fangdaba uba ngamba amasung sa uchekki marol khangba ngammu haina eina luhongamdaida pibikhia hina.

        Mahakki wa adu ningthou macha aduna thajaramde semjin sajinba wani haina khallammi. Ngaihak leiraga kwak ama uthakta tongduna khonglaklamkhi maduda Achanba manaigi machanupi aduna asumna hairakhi uthakta khongliba kwak asina asumna hairi turel da asiba nupagi hakchang ama taotharakle asiba hakchang adugi khutyai da khudop ama yaobani madu ningthouna louthoktuna thamjillabadi leibak mara chetna pangani hairi haina hairakhi.

        Ningthou macha aduna manaising thaduna yenghallamkhi nupi aduna hairiba sing adu loina chumlamkhi. Houjikti ningthou macha adu thajaramkhi amasung magi nupi adubu amuk hanna mayumdapuraklamkhi. Asumna leibak mara chetna panba ningthou leibak ama oikhiye.

        ◦•●◉✿ Matang asida wari asi loijare ✿◉●•◦

Manipur Gi Ariba Funga Wari bu pabiriba singbu amukkasu hanna thagatchari.